For ein kamp dette skulle bli! Første omgang vil ingen hugse. Avslutninga til Strannegård som Fij redda var det einaste av betydning som skjedde. Det begynte å skje meir etter pause. Sogndal opna showet med ein susar frå Jonsson. Så skulle heimelaget begynne å rote det til for seg sjølv. Arrocha feller Sanyang som er på veg gjennom mot keeper. Frå 11 meter er Luc Mares stort sett sikker. Då stod det 1-1. Kort tid etterpå kjem det ein ball flygande mot Ingimundarson. Han bestemmer seg for å fyre, og den ballen går hardt ned i hjørnet. Start leita lenge etter utlikning, men sleit med å kome til dei store sjansane. Det er ikkje heilt ufortjent at det vart heimesiger, men det kunne like gjerne enda med uavgjort. Det var viktig for Tore André Flo å slå tilbake etter eit par tap på bortebane.