Då er det over her på Grorud Arctic Match. Meinhard Olsen blir matchvinner for dei brunkledde! Første omgang var ei jamn affære kor begge lag kunne gått til pause med leiinga. Det gjorde det imidlertid ikkje, og laga gjekk mållause til pause. Ti minutt ut i andre omgang falt avgjersla. Meinhard Olsen vart sendt ut på bana av Vegard Hansen i håp om å kunne bikke oppgjeret i favør av Mjøndalen. Den unge klubbnomaden frå Færøyene sa seg einig i oppdraget frå Hansen og brukte få sekund på å sende MIF i føringa i det Appiah stussa eit utspark frå Kinn i bakrom. Den færøyske superinnbyttaren sitt mål vart også kampen sitt einaste. Bortelaget hadde god kontroll på eit ufarleg heimelag i 2. omgang. Vertane kan kun glede seg over at Skeid rakna i sluttminutta mot Åsane og tapte på overtid. Grorud får derfor ikkje noko lysglimt i den bekmørke bunnstrida, medan Mjøndalen får med seg tre etterlengta poeng heim.